Ish-ministrja e Arsimit, Rinisë dhe Sporteve, Lindita Nikolla ishte e pranishme gjatë një takimi me banorët e Lezhës.
Nikolla zbuloi edhe një bisedë telefonike që kishte pasur gjatë sezonit të verës, me kryetarin e kësaj bashkie.
Ish-ministrja tha se telefonoi kreun e Bashkisë Lezhë për t’i treguar rreth papastërtive në plazhin e ‘Ranës së Hedhun’, por përgjigjia e tij e kishte habitur.
“I them kryetarit të Bashkisë se jam te ‘Rana e Hedhun’ dhe ka shumë papastërti. Prita të më thoshte po menjëherë, por më tha çfarë ke dashur aq larg o zonjë.” u shpreh Nikolla.
Më tej ajo u shpreh se qeveria ka dëshirë për të bërë ndryshime në këtë qytet, ndaj qytetarët duhet t’i besojnë votën zgjedhjet e ardhshme.
“Vota këtu në Lezhë do jetë kuqezi se duam të tranformojmë edhe më shumë Lezhën, se duam edhe më shumë kulturën. Gjithë fjala për t’ju nisur drejt Ramës ishte unë e kam një plan. Lezhjanët janë të mençur e dinë ku është e vërteta ku është puna”, theksoi Nikolla.
