Policia në Lezhë procedoi penalisht një 50-vjeçar, për shkak të publikimit të një fotoje me arme në rrjetet sociale, ndërsa ka bërë thirrje edhe për dhunë para fillimit të protestës së zhvilluar ditën e djeshme.
Sipas njoftimit të policisë, 50-vjeçari me inicialet Gj.D, banues në Lezhë, do të akuzohet për veprën penale “Thirrje për veprime të dhunshme”.
Njoftimi i policisë
Publikon foto armësh duke bërë thirrje publike për veprime të dhunshme për protestën, proçedohet nga policia.
Specialistët e Seksionit për hetimin dhe parandalimin e krimeve në Komisariatin e Policisë Lezhë, proçeduan penalisht shtetasin Gj.D. 50 vjeç, banues në Lezhë për veprën penale ” Thirrje për veprime të dhunshme”.
Ky shtetas, në rrjetet e tij sociale, para protestës së zhvilluar dje, ka postuar foto armësh e municionesh duke i shoqëruar me thirrje publike për veprime të dhunshme.
Materialet proçedurale u referuan Prokurorisë pranë Gjykatës Shkallës Parë Lezhë për veprime mëtejshme
