Mbledhja e kryesisë së Partisë Socialiste ka përfunduar, ndërkohë mësohet se në mbledhje është diskutuar në lidhje me situatën politike në vend.
Fokus i diskutimit mendohet të ketë qenë djegia e mandateve nga ana e deputetëve të opozitës së bashkuar.
Pas përfundimit të mbledhjes, foli për mediat kreu i grupit parlamentar të PS-së, Taulant Balla.
Ai tha se mbledhja ishte parashikuar të mbahej javës që kaloi, por për shkak të situatës që u krijua, mbledhja u shty.
“Ka përfunduar pak më parë mbledhja e Kryesisë së PS-së, e cila ishte parashikuar të mbahej javën e kaluar, për shkak të situatës së krijuar nga djegia e mandateve u shty për sot.
Çështja kryesore ka qenë djegia e mandateve. Puna do të vazhdojë”, u shpreh ai.