26.02.2019 - 16:56
Drejtori i Hipotekës së Sarandës, Armand Hysi ka ndërruar jetë në mënyrë të papritur.
Sipas informacioneve, 44-vjeçari ka qenë në zyrë kur dyshohet se ka pësuar një infarkt, gjë që ka sjellë edhe vdekjen e tij të menjëhershme.
Përveç postit si drejtor i Hipotekës, Hysi ishte edhe pedagog në Universitetin “Eqrem Çabej” në Gjirokastër. Gjithashtu, ai ishte anëtar i Këshillit Bashkiak të Sarandës, madje kohët e fundit po përflitej si një kandidat i mundshëm nga Partia Socialiste, për kryetar bashkie në Sarandë.
Sipas informacioneve, miq dhe persona që ndodheshin pranë tij e dërguan me urgjencë në spital por pa rezultat, pasi 44-vjeçari ka mbërritur atje i pajetë.
