Komisioni për Edukimin dhe Mjetet e Informimit Publik ka thirrur sot në dëgjesë rektorët e universiteteve publike, të cilët do t’iu përgjigjen pyetjeve për protestën e studentëve si dhe për qëndrimin e tyre ndaj VKM-ve dhe Ligjit të Arsimit të Lartë.
Ky debat do të nisë në orën 10:00, ndërsa pas dy orësh në këtë komisioni do të jetë i pranishëm edhe ministri i Brendshëm, Sandër Lleshaj. Ai do të pyetet për ndërhyrjen e Policisë në ambientet e fakulteteve dhe dhunë e ushtruar ndaj studentëve.
Rendi i ditës:
Ora 10:00
Seancë dëgjimore me rektorët e Universiteteve publike për situatën e krijuar në universitete gjatë dhe pas protestës studentore; menaxhimi i situatës rast pas rasti; situata financiare në Universitete; qendrimi e rektorëve ndaj VKM-ve.
Ora 12.00
Seancë dëgjimore, me kërkesën e një grupi deputetësh, me Ministrin e Brendshëm, z. Sandër Lleshaj, për të dhënë shpjegime dhe informacione në lidhje me dhunën e ushtruar në ambientet e fakulteteve ndaj studentëve.
