Pasditja e kësaj të shtune ka zënë të përgjakur Patosin, ku disa persona u përfshinë në një sherr masiv.
Gjatë sherrit një prej personave të përfshirë në sherr ka qëlluar me thikë një 46-vjeçar të identifikuar si Eduard Haxhiaj.
Haxhiaj ka mbetur i plagosur dhe u transportua me urgjencë drejt Spitalit Rajonal të Fierit.
Vetëm pak orë pas plagosjes policia ka bërë të mundur kapjen e autorit dhe zbardhjen e ngjarjes.
“Policia zbardh ngjarjen ku u plagos me mjet prerës 46 vjeçari E.H.
Kapet dhe shoqërohet autori i dyshuar i plagosjes. Në vijim të ngjarjes së ndodhur sot në Patos ku mbeti i plagosur me mjet prerës shtetasi E.H, policia kapi dhe shoqëroi në Komisariatin e Policisë Fier autorin e dyshuar, shtetasin A.M, 45 vjeç, banues në Patos.
Grupi hetimor po punon për sqarimin e plotë të kësaj ngjarje”, thuhet në njoftim.
