I moshuari që u gjet mbrëmë i plagosur në banesë ka ndërruar jetë sot në spital.
69-vjeçari me iniciale V.K ka ndërruar jetë pasi nuk i ka mbijetuar plagëve të marra.
Autori i vrasjes së tij rezulton të jetë nipi.
Nipi ka qëlluar gjyshin e tij me armë zjarri me plumb pas koke.
Nipi në polici pasi është marrë në pyetje ka pranuar se është ai autori i vrasjes.
Ndërkohë në rrëfimin e parë të ngjarjes nipi tregoi se kishte konstatuar se të moshuarit i mungonin rreth 1 milion lekë të vjetra, ndërkohë, që ka rrëfyer se shtëpinë e të moshuarit e kishte gjetur të hapur dhe më pas e kishte parë atë të gjakosur.
Ai njoftoi ambulancën duke bërë të mundur dërgimin e të moshuarit në spital.
Njoftimi i policisë pas ngjarjes
Vlorë
Informacion paraprak
Më datë 27.02.2019, rreth orës 20:40 është dërguar për ndihmë mjeksore në Spitalin Rajonal Vlorë i moshuari 69 vjeçar V.K, i cili është konstatuar nga nipi i tij me dëmtime në kokë ende të pa përcaktuara se nga janë shkaktuar.
Grupi hetimor ndodhet në vendngjarje ku vijon punën për zbardhjen dhe sqarimin e rrethanave të ngjarjes.
