Jo më shumë se një javë më parë zv/ministri i Diasporës, Arian Daci, humbi jetën si pasojë e rënies së një orteku dëbore në Brezovicë.
Bashkëshortja e tij, Merita, ka shkruar një dedikim prekës për humbjen e tij më 26 janar.
Përmes një dedikimi prekës, ajo tregon dashurinë që kishte i ndjeri për borën, ndërsa nga ana tjetër shprehet se është e bekuar nga kujtimet që ka lënë pas.
Postimi i plotë:
“Ari im,
Kurrë se kisha menduar që mundem të shkruaj këtë shkrim për ty.
Në këto ditë të vështira më kujtohen të gjitha momentet që kaluam së bashku, ishin plot 20 vite, u rritem bashkë, mësuam gjithçka bashkë, e jetuam çdo ditë sikur të ishte e fundit.
Nuk e dita që në këtë jetë Zoti më kishte dërguar një engjëll, për të më bërë të lumtur e të përmbushur në çdo aspekt.
Por në të gjitha këto vite pjesë e rëndësishme e jetës sonë u bë bora e bardhësia e saj që e deshe aq shumë, ndoshta ishte shpirti yt i bardhë, që të tërhoqi deri në përjetësi.
Mua me le shumë kujtime te bukura dhe shembullin sesi duhet te kujdesem për familjen dhe misionin jo të lehtë për t’i rritur e edukuar Diarin e Deonin, që aq shumë bëre për ta, me zemër të thyer do të mundohem që këtë mision ta përmbush me forcën e vullnetin më të madh.
Qenka e vërtete thënia se ‘Zoti i merr herët njerëzit më të mirë afër vetes’.
Deri të bashkohem me ty atje ku nuk ka ndarje, do të jesh çdo moment në zemrën time.
Lamtumirë dashuria e jetës.
Të dua”.
Arian Daci, i cili është djali i kryetarit të Akademisë së Shkencave, ishte baba i dy fëmijëve.
