Një grup emigrantësh shqiptarë që jetojnë në Greqi, kanë protestuar para ambasadës shqiptare në Athinë. Duket se protesta e opozitës i ka kaluar kufinjtë.
Mësohet se protesta është organizuar nga dega e PD në Greqi. Përmes fjalimeve të mbajtura para ambasadës, protestuesit kërkuan largimin e qeverisë Rama.
Ata e cilësuan qeverinë si hajdute dhe mashtruese, që ka braktisur interesat e qytetarëve të vet, që nuk do t’ia dijë për premtimet e dhëna për të lehtësuar jetën e emigrantëve shqiptarë në Greqi.
Kryetari i degës së PD në Greqi, Fatmir Gjoci u shpreh se kjo qeveri sipas tij ua ka nxirë faqen shqiptarëve në emigracion me imazhin e kanabizimit dhe të kryeministrit që përkrah kriminelët dhe ka ardhur në pushtet me blerjen e votave nga krimi.
