12.03.2019 - 18:04
Kryeministri i Kosovës Ramush Haradinaj, komentoi sërish takimin që pati dje me dy këshilltarët e kancerales gjermane, Angela Merkel.
Haradinaj, u shpreh se të dy këshilltarët i kanë kërkuar atij heqjen e taksës. Kryeministri shtoi se kjo kërkesë nga dy këshilltarët ishte argumentuar si diçka që krijon probleme me dialogun.
“Nuk është mesjeta që gjërat të bëhen me kërcënime me pasoja. Bashkësia ndërkombëtare nuk po mundet me e bindë Serbinë në dialog, atëherë po i bën presion viktimës, pra Kosovës”, deklaroi Haradinaj.
