Rrjetet sociale janë kthyer në trendin e të rinjve, të cilët shpenzojnë orë të tëra. Por në fakt, tundimit të Instagramit nuk i ka shpëtuar as Mbretëresha e Britanisë së Madhe, Elizabeth II.
Mbretëresha, tashmë 92-vjeçare, ka realizuar postimin e parë në Instagram, që ishte fotoja e një letre të shekullit të 19-të nga Arkivat Mbretërore që i drejtohej stër-stër-gjyshit të saj, Princ Albertit. Letra që daton në vitin 1843 ishte nga shpikësi dhe matematikani Charles Babbage, i cili është cilësuar si pioneri i parë i kompjuterëve.
“Sot vizitova Muzeun e Shkencave ku zbulova edhe një letër nga Arkivat Mbretërore, i shkruar në 1843 drejtuar stër-stër-gjyshit Prince Albert. Në letër, Babbage i drejtohej Mbretëreshës Viktoria dhe Princit Albert për krijimin e tij “Motori analitik”, i pasuar me programin e parë kompjuterik i krijuar nga Ada Lovelace, vajza e Lord Byron. Sot, pata mundësinë të mësoja rreth iniciativave të kodimit të kompjuterëve nga fëmijët dhe si duket më përshtatet mua që ta publikoj këtë postim në Instagram”, shkroi Mbretëresha.
VAZHDO TË LEXOSH MË TEPËR PËR TEMËN
Duka i Edinburgut merr vendimin ekstrem pas aksidentit…
