11.03.2019 - 12:49
Janë të shumtë këngëtarët shqiptarë që udhëtojnë shpesh drejt Shteteve të Bashkuara të Amerikës për të mbajtur atje koncerte për komunitetin e madh shqiptar që jeton aty.
Por duket se së fundmi Ambasada Amerikane ka ndërmarrë masa ndalimi ndaj disa këngëtarëve shqiptarë, të cilët, të paktën sipas gazetës Metro, nuk kanë paguar tatimet për koncertet e mbajtura.
I fundit ndaj të cilit është ndërmarrë një ndalim i tillë është këngëtari i njohur Gena, emri i vërtetë i të cilit është Briken Lito.
Më herët, një fat të tillë e kanë pasur edhe këngëtari nga Kosova Shkëlzen Jetishi, si dhe Afrim Muçiçi.
