15.03.2019 - 18:04
Një person ka mbetur i plagosur me armë zjarri në Bulqizë, pranë ‘Urës së Çereneçit’.
Sipas informacioneve, shtetasi Blerim Skara ka qëlluar me armë në drejtim të Mirdash Osmanit, ku ky i fundit fatmirësisht ndodhet në spital të Peshkopisë, jashtë rrezikut për jetën.
Mësohet se plagosja me armë zjarri ka ndodhur për motive të dobëta, ndërsa autori i plagosjes është larguar nga vendngjarja.
Katër vite më parë, shtetasi që mbet i plagosur Mirdash Osmani u arrestua pasi dyshohej se kishte porositur 3 vrarës me pagesë për të eliminuar fizikisht një 20-vjeçar, me të cilin kishte konflikte të mëparshme.
Ndërkohë, Policia e Peshkopisë vijon punën për kapjen e autorit.
