Sot është 20-vjetori i gjenocidit serb në Kosovë.
Në kuadër të këtij 20-vjetori, kryeministri Haradinaj shprehet se ndonëse kanë kaluar 20 vite, do të vazhdojë betejën për zbardhjen e fatit të të gjithë martirëve.
Përmes një shkrimi në Facebook, Haradinaj është shprehur se e vërteta e Kosovës janë varret masive nëpër tërë vendin.
Hradinaj ka kujtuar masakrën në Beleg.
Postimi i plotë:
“E vërteta jonë janë varret masive në tërë Kosovën. Liria e atdheut tonë mban emrin e secilit nga martirët e Belegut dhe tërë Kosovës. Duke qenë se shumica e të vrarëve në Beleg konsiderohen të zhdukur të luftës kjo masakër e ka edhe dimensionin e saj më të dhimbshëm, sepse shumica nga 46 të ekzekutuarit nuk e kanë ende një varr të shënjuar në këtë tokë, për të cilën ata janë sakrifikuar. Sot, njëzet vjet më vonë, ne e vazhdojmë betejën për zbardhjen e fatit të të gjithë martirëve dhe nuk do të ndalemi deri sa të gjenden eshtrat e secilit njeri të Kosovës, të vrarë në luftë”, shprehet Haradinaj.
