MENU

Durrës

Shkarkohet drejtoresha e Kufirit dhe Migracionit

12.03.2019 - 08:41

Drejtoresha Rajonale e Kufirit dhe Migracionit në Durrës, Lindita Nushi është shkarkuar nga detyra.

Mësohet se shkarkimi i saj vjen pak ditë pas arrestimit të 6 kontrollorëve të kufirit në këtë qytet.

Kontrollorët akuzohen për marrje rryshfeti.

Kujtojmë këtu që Nushi e mbante këtë detyrë që në maj të vitit 2017.

Efektivët e policisë kufitare u arrestuan në sajë të një hetimi të nisur që në vitin 2018, kryer nga Shërbimi për Çështje të Brendshme dhe Ankesat dhe Prokuroria e Durrësit.

Sipas një njoftimi të Ministrisë së Brendshme, policët kufitarë në sajë të vlerave monetare, bënin kalimin e paligjshëm të personave me probleme që e kishin të ndaluar udhëtimin në zonën “Shengen”.