Policia ka identifikuar dhe shpallur në kërkim autorin e plagosjes me armë zjarri të 29-vjeçarit, Enea Keqa, tek ish-stadiumi “Dinamo” më 14 mars 2019.
Bëhet fjalë për shtetasin A. B., 30 vjeç, banues në Tiranë.
Po kështu është proceduar penalisht dhe një 26-vjeçar për “Deklaratë të rremë para oficerit të policisë gjyqësore”.
“Mbrëmjen e 14 marsit 2019, ky shtetas në rrugën ‘’Prokop Mima’’, ka tentuar të vrasë me armë zjarri, shtetasin E. K., 29 vjeç, i cili ndodhet në spital jashtë rrezikut për jetën.Gjithashtu u procedua në gjëndje të lirë shtetasi H. I., 26 vjeç, banues në Fushë-Krujë, pasi ka dhënë deklarim të rremë përpara oficerit të policisë Gjyqësore” njoftoi policia.
Materialet iu referuan Prokurorisë së Rrethit Gjyqësor Tiranë për veprime të mëtejshme
