U vetëdorëzua pak ditë më parë, por ndonëse Prokuroria kërkoi masën ‘arrest me burg’ për Ervin Matën, Gjykata e ka liruar.
Ditën e sotme mësohet se Gjykata ka dhënë masën ‘detyrim paraqitjeje’.
Ervin Mata akuzohet për ngjarjen e në ish-Bllok, më 4 tetor të 2018, ku mbeti i vrarë Fabjol Gaxha.
Ervin Mata e Mevjol Billo u larguan nga vendngjarja menjëherë pas ngjarjes së rëndë.
Mata e Billo u shpallën në kërkim që në tetor të vitit të kaluar.
Kujtojmë se Mata ka mohuar të ketë lidhje me këtë ngjarje duke deklaruar se e sulmuan dhe se nuk është ai autori i vrasjes së Fabiol Gaxhës.
“Nuk kam lidhje me vrasjen, mua më sulmuan. Ika nga vendi i ngjarjes se u frikësova. Nuk e kam vrarë unë fabiol Gaxhën”, ka deklaruar Mata në polici për konfliktin në lokal ku mbeti i vrarë Fabiol Gaxha dhe u plagosën Ervis Martinaj dhe Eljon Hato.
