Detaje të reja kanë dal në dritë nga ngjarja e djegies së autobusit dy ditë më parë në Konispol. Arrestohet 22 vjeçari me iniciale SH.B, banues në Delvinë, si autor i mundshëm i ngjarjes.
Ndër të tjera mësohet se pas kontrollit të ushtruar në banesën e tij, në Delvinë, policia ka sekuestruar 25 fishekë luftarakë dhe lëndë narkotike e dyshuar kanabis.
Në deklaratën e policisë bëhet me dije: “Në vijim të punën intensive për zbardhjen e ngjarjes së ndodhur mesnatën e 10 Prillit në Konispol, për djegien me zjarr të autobuzit në pronësi të shtetases H.S, shërbimet e policisë bënë të mundur identifikimin, kapjen dhe arrestimin e shtetasit Sh.B., 22 vjeç, banues në Delvinë, i cili dyshohet të jetë autori në lidhje me djegien e qëllimshme të këtij mjeti.
Pas kontrollit të ushtruar në banesën e tij në Delvinë, policia ka sekuestruar në cilësinë e provave materiale 25 fishekë luftarak dhe një sasi fara narkotike të dyshuara si cannabis sattiva. Materialet iu referuan Prokurorisë për veprat penale “Shkatërrimi i pronës me zjarr”, “Prodhimi dhe mbajtja pa leje e municioneve luftarake” dhe “Prodhimi dhe shitja e narkotikëve”.”
