Sekretari i Shtetit i SHBA-së, Mike Pompeo akuzoi të premten Kinën për ndihmën ndaj kolapsit ekonomik të Venezuelës, duke financuar qeverinë e Presidentit Nicolas Maduro dhe tha se prania e trupave ruse në vend ishte një “provokim i dukshëm”.
“Ndërhyrjet e tyre financiare kanë ndihmuar shkatërrimin e vendit”, tha Pompeo në një fjalim në kryeqytetin e Kilit.
Pompeo tha se Kina është një partner tregtar i madh i SHBA, por që “aktivitetet e saj tregtare shpesh janë thellësisht të lidhura me misionin e tyre të sigurisë kombëtare, qëllimet e tyre teknologjike, dëshirën për të vjedhur pronën intelektuale, që kanë detyruar transferimin e teknologjisë, ekonomike. ”
Pompeo filloi një turne katër-shtetësh në Amerikën Latine të premten. Ai u takua me presidentin Sebastián Piñera në Santiago, ku diskutuan për krizën e Venezuelës dhe luftën tregtare të SHBA-së, midis çështjeve të tjera.
Ai kritikoi ardhjen e trupave ruse në Venezuelë dhe tha se investimet e Rusisë në trajnimin e policisë dhe një kompleksi satelit në Nikaragua nuk janë aspak të mira.
Ai gjithashtu kritikoi lidhjet e Rusisë me regjimet autoritare në Kubë, Nikaragua dhe Venezuelë.
Venezuela ka qenë e zhytur në një krizë të thellë politike, që kur kreu i opozitës, Guaido ka shpallur veten president në detyrë në janar. Ndërkohë, më shumë se 50 vende, përfshirë Shtetet e Bashkuara dhe shumica e vendeve të Amerikës Latine dhe Europiane, e kanë njohur atë si udhëheqës legjitim të Venezuelës.
Maduro fajëson sanksionet amerikane, ndërsa Guaido thotë se ata kanë shumë korrupsion dhe qeverisje të dobët.
Sipas Kombeve të Bashkuara, gati një e katërta e 30 milionë Venezuelanëve kanë nevojë për ndihmë urgjente. Një raport i OKB-së thotë se 3.7 milion njerëz janë të kequshqyer, dhe të paktën 22 përqind e fëmijëve nën moshën pesë vjeç vuajnë nga kequshqyerja kronike.
Ndërkohë në Venezuelë ka patur vazhdimisht ndërprerje të energjisë të cilat janë shkaktuar nga problemet në një hidrocentral të madh. Venezuela varet nga infrastruktura e saj hidroelektrike, në vend të rezervave të saj të naftës, për furnizimin e saj me energji elektrike vendase. Por dekadat e nën investimeve kanë dëmtuar digat e mëdha, dhe ndërprerjet sporadike janë të zakonshme.
VAZHDO TË LEXOSH MË TEPËR PËR TEMËN
“Zien” Venezuela/ Pse u shkëputën lidhjet me SHBA-në?
A do ‘ta marrë veten’ Venezuela?
Maduro kërcënon Trumpin: Do të mbulohesh me gjak nëse ndërhyn
