MENU
klinika

Deputetët takojnë Haradinajn

Shkëmbim territoresh Kosovë-Serbi/ Kundërshton Gjermania

01.04.2019 - 18:25

Gjermania kundërshton idenë e këmbimit të territoreve ndërmjet Kosovës dhe Serbisë.

Deputeti i Bundestagut Peter Bayer, tha se mbështetja për Kosovën nuk do të mungojë në dialogun me Serbinë. Më tej ai theksoi se Gjermania e kundërshton fuqishëm shkëmbimin e territorreve mes dy vendeve.

“Ne jemi në vizitë zyrtare, por ne jemi me miqtë tanë. Biseduam për proceset nëpër të cilat po kalon Kosova. Kemi folur për dialogun mes Kosovës dhe Serbisë, të cilin e mbështesim, por edhe për temën e këmbimit të territoreve, të cilën Gjermania e kundërshton fuqishëm. Ne do të jemi partnerë mbështetës i Kosovës për proceset e ardhshme, sigurisht me një sy kritik”, tha Bayer.

Këto komente ai i bëri  pas takimit me Haradinajn, bashkë me deputetin tjetër gjerman Chrisitan Schmidt. Siç njofton Zyra e Kryeministrit, gjatë takimit, Haradinaj bisedoi me deputetët gjermanë për procesin e dialogut me Serbinë, që ndërmjetësohet nga Bashkimi Evropian, duke shprehur përkushtimin e Kosovës për arritjen e një marrëveshjeje që do të rezultonte me njohje të ndërsjellë.

Po ashtu, në takim u bisedua për bashkëpunimin ndërmjet Kosovës dhe Gjermanisë, por edhe për procesin e liberalizimit të vizave për qytetarët e Kosovës.

Ideja për ndryshimin e kufirit është shpërfaqur në opinion që prej verës së vitit të kaluar nga presidenti i Kosovës, Hashim Thaçi, dhe ai i Serbisë, Aleksandar Vuçiç. Thaçi, i cili e përfaqëson Kosovën në bisedimet me Serbinë, ka thënë se në Bruksel do të kërkojë që Presheva, Medvegja dhe Bujanoci, t’i bashkohen territorit të Kosovës.

Por, kundër idesë së ndryshimit të kufirit është kryeministri Haradinaj, i cili thotë se prekja e kufijve mund të sjellë tragjedi në Ballkan. Qëndrime pro dhe kundër kësaj ideje ka edhe në qarqet ndërkombëtare.

"Ishte lutje për heqjen e masave nga BE-ja"

Bislimi sqaron “kërcënimin” për eskalim

Incident i rëndë në kufirin serbo-maqedonas

Efektivët serbë detyrojnë emigrantët të zhvishen dhe…

Lukashenko parashikon skenarin ukrainas

Serbia mund të bëhet anëtare e NATO-s së shpejti

Gazi lotsjellës në seancë plenare në vitin 2016

Kryetari i Kuvendit të Kosovës paraqitet në gjyq