10.04.2019 - 09:58
Pas shpalljes së zgjedhjeve të jashtëzakonshme nga presidenti Thaçi për katër komunat veriore, Leposaviç, Zubin Potok, Zveçan dhe Mitrovicë Veriore, presidenti serb Vuçiç dhe drejtori i Zyrës Serbe për Kosovën, Marko Gjuriç do të presin në takim përfaqësuesit politikë të serbëve në Kosovë.
Takimi do të mbahet në pallatin “Srbija” në orën 12:00.
Kuktojmë se zëvendëskryetari i Listës Serbe, Igor Simiç, tha dje se në takim do të konsultohen me kreun e shtetit serb për zgjedhjet e parakohshme për kryetarët e komunave në veri të Kosovës.
Kujtojmë që kryetarët e këtyre komunave ka katër muaj që dhanë dorëheqje në shenjë pakënaqësie ndaj taksës 100% për mallrat serbe.
