Policia e Kosovës arrestoi 5 persona në Prishtinë të mërkurën, nën dyshimet për përfshirje për transplantim ilegal dhe trafik organesh dhe qelizave njerëzore.
Njoftimi i policisë thekson se më 2 dhe 3 prill është kryer një operacion në kontrollin e një klinike private në Prishtinë dhe është kryer arrestimi i personave të dyshuar për kryerjen e veprave penale: “transplantimi i paligjshëm dhe trafikimi i organeve dhe qelizave njerëzore dhe trajtimi i papërgjegjshëm mjekësor”.
Sipas policisë, hetimet filluan disa muaj më parë, ndërsa gjatë kontrolleve u sekuestruan si dëshmi materiale: të dhënat mjekësore, librat e dëshmive, 4 telefona celularë dhe 500 euro para të gatshme.
Pas kësaj, autoritetet kosovare morën masa të menjëhershme duke mbyllur klinikën.
