27.04.2019 - 14:01
Në Komisionin Qendror të Zgjedhjeve u regjistruan edhe 7 parti të tjera për zgjedhjet lokale të 30 qershorit.
U regjistruan në zgjedhje partitë: “Partia Aleanca e Maqedonasve për Integrimin Europian”, “Partia Balli Kombëtar”, “Partia G-99”, “Partia Aleanca Demokrate Shqiptare”, “Partia Aleanca Arbnore Kombëtare”, “Partia Shqipëria e Re”, “Partia Aleanca Popullore”.
KQZ vendosi edhe regjistrimin e komitetit nismëtar për organizimin e punës për paraqitjen e Fran Mollës si kandidat i propozuar nga zgjedhësit në zonën zgjedhore Tiranë për zgjedhjet për organet e qeverisjes vendore të datës 30 qershor 2019.
Kujtojmë që më herët KQZ regjistroi edhe Bindjen Demokratike.
