Aleatët e Partisë Demokratike janë pritur sot në një takim nga kryeministri i Kosovës, Ramush Haradinaj.
Lajmi është bërë i ditur nga vetë kreu i qeverisë kosovare, i cili përmes një postimi në Facebook thekson se bashkëpunimi mes partive të Kosovës dhe atyre të Shqipërisë ka qenë i frytshëm në rrugën e shtet-ndërtimit.
Mes tjerash, kryeministri Haradinaj thekson se në takim ka patur një bashkërendim të ideve, të cilat sipas tij, do t’i shërbejnë interesit dhe rrugës euroatlantike të të dyja shteteve.
“Bashkëpunimi ndërmjet partive politike të Kosovës me ato të Shqipërisë në të gjitha etapat e shtet ndërtimit ka qenë i frytshëm dhe në këtë aspekt, dialogu midis tyre vazhdon të jetë i hapur.
Në kontekst të këtij dialogu, prita sot në takim Kryetarët e partive opozitare Fatmir Mediun, Agron Duka, Nard Ndoka dhe Vangjel Dule me të cilët u dakorduam se bashkërendimi i qëndrimeve është në interes të dy shteteve dhe qytetarëve tanë.
Është gjithmonë kënaqësi të bisedojmë për tema të interesit të përbashkët, në të mirë të zhvillimit tonë të brendshëm dhe rrugës tonë euro-atlantike”-shkruan ai.
VAZHDO TË LEXOSH MË TEPËR PËR TEMËN
Zbardhet porosia e Bashës: Mos më rrini në kafe, por…
Dule braktis PD-në? Shkak futja e çamëve në koalicion
