Kryetarja e LSI, Monika Kryemadhi u është bashkuar nderimeve të 5 Majit për të rënët e luftës.
Sipas Kryemadhit, jetët e flijuara na frymëzojnë edhe sot për ta mbajtur të shenjtë amanetin, Shqipërinë e lirë.
“Në 5 maj i gjithë Atdheu mban frymën në respekt të pafund për të rënët për atdheun, martirët e kombit që sakrifikuan jetën e tyre e në emër të Shqipërisë.
Lufta për çlirimin e atdheut gjaku i derdhur, jetët e flijuara dhe sakrificat sublime për lirinë e tij, janë gdhendur si dëshmia monumentale e një populli që ka luftuar në mënyrë të paepur me pushtuesit gjatë gjithë historisë së tij.
Nderimi ndaj dëshmorëve, është nderim për historinë e popullit, por është edhe një referencë krenarie, që na frymëzon për ta mbajtur të shenjtë amanetin e tyre, Shqipërinë e lirë, shtëpinë tonë të përbashkët!
Lavdi e përjetshme dëshmorëve të atdheut!”, shkruan Kryemadhi.
VAZHDO TË LEXOSH MË TEPËR PËR TEMËN
Dita e Dëshmorëve/ Basha: Të bashkohemi për të mbrojtur lirinë
