Gjatë ditës së sotme është mbajtur mbledhja e Komisionit Qendror të Zgjedhjeve.
Kjo mbledhje është shoqëruar me debate mes nënkryetarit Denar Biba dhe sekretarit të PD-së, Ivi Kaso.
Shkak për debatin mes tyre është bërë regjistrimi i ‘Bindjes Demokratike’ në zgjedhjet e 30 qershorit.
Sekretari i Partisë Demokratike, Kaso u shpreh se regjistrimi i ‘Bindjes Demokratike’ në zgjedhje është i paligjshëm.
Debati:
Biba: Ju keni ardhur si qytetar i thjeshtë, nuk keni status. Nuk ke të drejtë të pyesësh pasi nuk jeni garues në zgjedhje.
Kaso: Kemi status të përhershëm si rezultat i zgjedhjeve të fundit.
Kujtojmë se dy ditë më parë opozita joparlamentare dorëzoi në KQZ listën e anëtarëve për Komisionet e Zonave të Administrimit Zgjedhor.
Sekretari për çështjet zgjedhore Ivi Kaso ka dorëzuar sot KQZ-së bashkë me përfaqësuesin e LSI-së, listën me komisionerë.
Kujtojmë se PD dhe LSI, edhe pse nuk marrin pjesë në zgjedhjet e 30 qershorit, kërkuan të shfrytëzojnë të drejtën ligjore për të pasur komisionerë.
