Siç tregon emri, stimuluesit rrisin vigjilencën, vëmendjen dhe energjinë, si dhe ngrenë presionin e gjakut, shkallën e zemrës dhe frymëmarrjen.
Medikamente nxitëse shpesh përshkruhen për të trajtuar fëmijët, adoleshentët ose të rriturit e diagnostikuar me ADHD (çrregullim i vëmendjes dhe hiperaktivitet).
Stimulantët që përdoren për të trajtuar ADHD përfshijnë:
-Methylphenidate;
-Amphetamine;
-Dekstroamfetamine;
-Lisdexamfetamine Dimesylate;
Në vitin 2002, FDA (Federata e administrimit të barnave dhe ushqimeve) miratoi atomoksetin jo-stimulues të medikamenteve për përdorim si një trajtim për ADHD.
Dy medikamente të tjera jo-stimuluese antihipertensive, clonidine dhe guanfacine, gjithashtu janë aprovuar për trajtimin e ADHD në fëmijë dhe adoleshentë. Një nga këto medikamente jo stimuluese është provuar shpesh së pari në një person të ri me ADHD, dhe nëse përgjigja është e pamjaftueshme, atëherë rekomandohet një stimulues.
Stimuluesit gjithashtu rekomandohen për trajtimin e kushteve të tjera shëndetësore, duke përfshirë narkolepsinë dhe ndonjëherë edhe depresionin (sidomos tek njerëzit më të moshuar ose të sëmurë kronikë dhe në ata që nuk i janë përgjigjur trajtimeve të tjera).
Si reagojnë njerëzit ndaj stimuluesve?
Stimuluesit e recetave kanë një efekt qetësues dhe “fokusues” tek individët me ADHD. Medikamentet stimuluese janë të sigurta kur jepen nën mbikqyrjen e mjekut. Disa fëmijë që i marrin ato mund të ndjehen paksa ndryshe ose “gazmorë”.
Disa prindër shqetësohen se medikamentet stimuluese mund të çojnë në abuzimin me drogën ose varësinë, por ka pak dëshmi për këtë kur ato përdoren siç duhet, siç përshkruhen nga mjeku. Përveç kësaj, hulumtimi tregon se adoleshentët me ADHD që morën medikamente stimuluese kishin më pak gjasa të abuzonin me medikamente sesa ata që nuk kishin marrë ilaçe stimuluese.
Cilat janë efektet e mundshme anësore të stimuluesve?
Stimuluesit mund të shkaktojnë efekte anësore. Shumica e efekteve anësore janë të vogla dhe zhduken kur nivelet e dozës ulen.
Efektet më të shpeshta anësore përfshijnë:
-Vështirësia për të fjetur ose qëndrimi në gjumë;
-Humbja e oreksit;
-Dhimbje stomaku;
-Dhimbje koke;
Efektet anësore më pak të zakonshme përfshijnë:
-Lëvizjet e papritura, të përsëritura ose tingujt;
-Ndryshimet e personalitetit, të tilla si shfaqja “e sheshtë” ose pa emocione;
Konsultohuni menjëherë me mjekun nëse keni ndonjë nga këto simptoma, veçanërisht nëse ato janë të reja ose përkeqësohen.
