Holanda është fituese e Eurovizion 2019 duke arritur të rrëmbejë votat e publikut dhe jurisë.
Duncan Laurence me këngën “Arcade” mori 492 pikë dhe arriti të triumfonte, ndërsa në vendin e dytë u rendit Italia që ndiqet nga Rusia në të tretin.
Ndërkohë, Shqipëria e përfaqësuar nga Jonida Maliqi mori gjithsej 90 pikë duke u renditur në vendin e 18-të.
Juria profesioniste e vlerësoi këngën ‘Ktheju Tokës’ me 43 pikë, ndërsa 47 ishin pikët e dhëna nga publiku, duke e çuar në 90 totalin e pikëve.
Pavarësisht renditjes, Jonida Maliqi arriti të rrëmbejë duartrokitje të shumta nga publiku ndërsa ndezi skenën e Eurovizion me ngjyrat kombëtare.
Pikët maksimale juria profesionistëve shqiptarë i dërgoi për Maqedoninë e Veriut.
Vota e publikut ishte ajo që përcaktoi gjithcka, pasi në përfundim të verdiktit të jurive profesioniste, ishte Maqedonia e Veriut ajo që kryesonte klasifikimin.
Fitorja e Duncan Laurence shënoi herën e parë që Holanda fiton në Festivalin e Eurovizion që nga viti 1975.
