Vetëm pak orë para nisjes së protestës së madhe të opozitës para Kryeministrisë, kreu i PD-së, Lulzim Basha përsërit thirrjen për pjesëmarrje masive dhe garanton se nuk do të ketë asnjë hap pas drejt fitores së sigurtë.
Me një postim në faqen e tij në FB, teksa bashkëngjit edhe videon me spotin e protestes, thekson se “Bashkimi, pjesëmarrja dhe vendosmëria për ta çuar këtë betejë drejt fitores së sigurtë, është investimi më krenar për fëmijët, për të ardhmen e tyre dhe të cdo shqiptari”.
Postimi i Bashës:
Bashkimi, pjesëmarrja dhe vendosmëria për ta çuar këtë betejë drejt fitores së sigurtë, është investimi më krenar për fëmijët, për të ardhmen e tyre dhe të cdo shqiptari.
Të rinj e të reja, studentë dhe profesionistë, pedagogë, artistë, intelektualë, mjekë infermierë dhe mësues, sipërmarrës të ndershëm dhe fermerë, pensionistë dhe të papunë, familjarë, prindër dhe bij e bija të shqiptarëve, mirësevini sonte në bashkimin popullor dhe qytetar në orën 19 në Tiranë. Asnjë hap pas! #8qershor #ShqipëriaSiEuropa
