02.06.2019 - 21:07
Ministri i Brendshëm Sandër Lleshaj deklaron se një oficer policie është dëmtuar nga mjetet shpërthyese në protestë.
Në një postim në “Twitter”, Lleshaj shkruan se drejtuesit e protestave duket se kanë financa të mëdha por dhe vullnet për të goditur forcat e rendit.
“Një oficer policie është dëmtuar nga mjetet e ndaluara shpërthyese që hodhën protestuesit. Drejtuesit e protestave duket se kanë financa të mëdha për të blerë mjete shpërthyese të ndaluara, por edhe vullnet të plotë për të goditur forcat e rendit”, shkruan Lleshaj.
Ai i bën thirrje më tej kreut të PD-së të ndalë sulmin ndaj policisë.
“I bëj thirrje Lulzim Bashës që të ndalojë sulmin ndaj forcave të Policisë së Shtetit!”, shkruan Lleshaj.
