MENU

Ballkani në krizë

Merkel: Rajoni të kopjojë Zaevin dhe Tsiprasin

30.06.2019 - 16:46

Kancelarja gjermane Angela Merkel edhe pse nuk pret hyrje të shpejtë të Ballkanit Perëndimor në BE, por thekson se rajoni ka perspektivë evropiane.

Në videon e publikuar sot për Samitin e Ballkanit Perëndimor, në kuadër të procesit të Berlinit që do të mbahet të premten në Poloni, Merkel theksoi se vendet e këtij rajoni duhet të tejkalojnë edhe disa ndalesa dhe të plotësohen disa kushte.

Ajo shtoi se në rajon ka shembuj pozitiv të dialogout, duke theksuar zgjidhjen e kontestit të emrit mes Shkupit dhe Athinës.

“Me guxim politik, kryeministrat e Maqedonisë së Veriut Zoran Zaev dhe i Greqisë, Alexis Tsipras arritën ta zgjidhin konfliktin”, shtoi Merkel.

Sipas saj, ky shembull duhet të inkurajojë zgjidhjen e problemeve në Bosnjë dhe Hercegovinë, si dhe problemet e Serbisë me Kosovën.

Në Poloni do të mbahet konferenca për Ballkanin Perëndimor ku do të merr pjesë edhe Merkel.