MENU
klinika

Portugalia në finale

Nations League/ Ronaldo ‘gjunjëzon’ Zvicrën!

05.06.2019 - 23:20

Portugalia ka mposhtur Zvicrën 3-1 në gjysmëfinalen e Nations League dhe kalon në finalen e kompeticionit.

Portugezët do të ndeshen me fituesin e Angli-Holandë më 9 qershor, ndërsa Zvicra do të ndeshet një ditë më përpara për vendin e tretë.

Heroi i ndeshjes ishte Cristiano Ronaldo, i cili ka shënuar një tripletë spektakolare.

Goli i parë erdhi në minutën e 25’ të takimit kur fitoi një faull të dyshimtë, por e goditi me një potencë të frikshme duke lënë në vend portierin Sommer.

konica sportkonica sport mobile

Pas pushimit, Rodriguez barazon rezultatin nga pika e bardhë e penalltisë. Në fillim arbitri Brych akordoi penallti në favor të portugezëve, por pas konsultimit me VAR, ai ia hoqi atyre duke ia dhënë zviceranëve për faullin e shkaktuar një aksion më përpara.

U duk sikur ndeshja do të shkonte në kohë shtesë, por në minutën e 88’ Ronaldo shënon golin dy pas asistit të bukur të Bernardo Silva-s.


Sulmuesi i Juventus kompleton tripletën e tij në minutën e 90’ me një tjetër gol fantastik.

Portugalia në finale falë një Ronaldo në superformë. Kjo është tripleta e 7-të e Ronaldo te Portugalia dhe e 53-a gjithsej.