MENU
klinika

Reja feston fitoren e parë

Shqipëria ‘zgjohet’ ndaj Moldavisë!

11.06.2019 - 22:53

Shqipëria arriti të marrë fitoren e parë nën drejtimin e Edy Rejas duke mposhtur 2-0 Moldavinë.

Kuqezinjtë nuk po arrinin të zhbllokonin dot sfidën pavarsisht përpjekjeve në pjesën e parë.

Sinjalin e parë në portën e miqve e dha mbrojtësi Elseid Hysaj që humbi një rast ideal për të shënuar.

Shkodrani nuk arriti të godiste në një distancë 5 metra larg portës një top të futur në zonë nga Lenjani. Sadiku vuri në provë portierin në minutën e 23′, me moldavin që reagoi mjaft mirë dhe e dërgon topin në këmbët e Lenjanit, i cili nuk goditi dot në kohë.

45 minutat e para u mbyllën me rrjeta të paprekura ndërkohë që të besuarit e Rejas u ‘zgjuan’ në pjesën e dytë.

konica sportkonica sport mobile

Në minutën 66’ pas një aksioni të mirë nga Uzuni dhe Roshi, Cikalleshi arriti të realizojë duke zhbllokuar rezultatin.


Kur mendohej se gjithçka do të mbyllej me rezultatin 1-0, Ylber Ramadani shënoi duke dyfishuar avantazhin me një goditje nga jashtëzone.

Pas kësaj fitoreje, Shqipëria ndodhet në vendin e katërt me 6 pikë, pasi ka fituar ndaj Andorrës dhe Moldavisë.