26.07.2019 - 15:07
“Twin Bottles” (Shishet binjake) titullohet vepra e dy artistëve – njëri nga të cilët shqiptar – që prezanton dy skulptura të mëdha metalike. Objektet janë vendosur në Kanalin e Madh, në Venecie. Janë dy shishe të mëdha që pluskojnë mbi ujë, si një sensibilizim për ndotjen e detit.
“Pas 15 vjetësh, rrezikojmë të kemi më shumë shishe plastike në det, se peshq”, – shprehen artistët, Helidon Xhixha dhe Giacomo Jack Braglia.
Ky nuk është angazhimi i parë me karakter ambientalist, për Helidon Xhixhën. Në vitin 2015, po në Venecie ai realizoi veprën “Iceberg” (Ajsbergu), duke denoncuar dhe evidentuar shkrirjen e akullnajave, për shkak të ngrohjes globale.
