21.07.2019 - 12:10
Arkeologët izraelitë kanë njoftuar së fundmi, se kanë zbuluar një kishë në rajonin e Galilesë. Ata janë të bindur se kisha e sapozbuluar është ngritur në vendin ku ndodhej shtëpia e dy prej apostujve, Pjetri dhe Andrea.
“Kjo kishë bizantine u zbulua në El Araj, mes vendeve biblike: Capharnaum dhe Kursi”, – ka bërë të ditur Mordechai Aviam, i cili ka drejtuar edhe gërmimet në vendbanimin e lashtë.
Sipas tij, bëhet fjalë për Betsaidan, një fshat peshkatarësh, vendi ku kanë lindur Pjetri dhe i vëlla Andrea, sipas Ungjillit të Gjonit.
Shën Pjetri, ish-peshkatar, konsiderohet nga besimi i krishterë, si një prej dishepujve të parë të Krishtit. Për kishën katolike, ai është njëkohësisht edhe Papa i parë./Konica.al
VAZHDO TË LEXOSH MË TEPËR PËR TEMËN
Dossier: Masakra e klerit
“Rrnoftë Krishti mbret, Rrnoftë Shqipnia!”
Konfliktet fetare
Abrahami dhe pse djemtë e tij u bënë armiq?
Kodikët
