“Ky sesion parlamentar ndër më të rëndësishmit e pluralizmit”

Ministrja për Marrëdhënien me Parlamentin, Elisa Spiropali e konsideron si më të rëndësishmin në periudhën post komuniste sesionin e fundit parlamentar që mbylli punimet ditën e djeshme.

Ajo thotë se bojkoti nuk çon kurrkund përveç se në humbje.

“Ky sesion parlamentar, që ishte nga më të rëndësishmit në historinë e pluralizmit tonë post-diktatorial, e bindi politikën e paduruar shqiptare se të nxish, të dhunosh, të bojkotosh, të mos marrësh pjesë, nuk të çon kurrkund tjetër veçse në humbje.

Janë durimi, qëndresa, koherenca, toleranca, arsyeja, përgjegjshmëria, mirëkuptimi, që i vlejnë Shqipërisë, dhe vetëm një Shqipëri e tillë i vlen të gjithë shqiptarëve”, shkruan ajo.