MENU
klinika

Profil

Ndahet nga jeta Agim Musta, ish-i burgosuri që i mbijetoi Spaçit

24.07.2019 - 19:41

Është ndarë nga jeta në moshën 89-vjeçare Agim Musta, një ish-i burgosur politik që i mbijetoi torturave të burgut famëkeq të Spaçit.

Babai i gazetares Suela Musta, ka ndërruar jetë sot pas një sëmundje të gjatë nga e cila vuante prej kohësh.

Homazhet dhe më pas ceremonia mortore do të zhvillohen të enjten në orën 10: 00 pranë Medresesë.

Agim Musta lindi në qytetin e Gjirokastrës në vitin 1930. Pasi kreu studimet e larta në Fakultetin Histori-Filologji në Universitetin e Tiranës ai punoi si arsimtar në shkolla të ndryshme tetëvjeçare dhe të mesme të vendit.

Në vitin 1962 është dënuar me 13 vjet burg nga Gjykata Ushtarake e Tiranës për veprimtari antikomuniste. Agim Musta ka shkruar për komunizmin, sistemin e burgjeve dhe persekutimin në kohën e diktaturës.

kolana e librave

  • Disa nga veprat e tij

“Mandelat e Shqipërisë”, 1992
“Dosjet e gjalla”
“Kush ishte Enver Hoxha” (bashkautor), 1996
“Burgjet e shtetit burg”, 1998
“Mjerim pafund”, 1999

“Harta e burgjeve dhe kampeve me punë të detyruar (1944-1991)”
“Gjëmat e komunizmit në Shqipëri”, 2001
“Dëshmoj për të vërtetën”, 2004

“Antologjia e plagëve nën terrorin komunist” (bashkautor), 2 vëllime 2006
“Album i burgjeve të diktaturës komuniste”, 2006
“Libri i zi i komunizmit”, 2007
Beniamin Bakalli