Kreu i Partisë Demokratike, Lulzim Basha sqaron hapat që do të ndjekë opozita për të luftuar korrupsionin, rikuperimin e parave dhe pasurive të vjedhura.
Përmes një video mesazhi të publikuar në rrjetet sociale, Basha, detajon planin e PD “Ndiq Paranë”.
“HAPI I PARË
• Miratimi i një pakete ligjore radikale kundër krimit dhe korrupsionit qeveritar.
PRIORITETI I QEVERISË SË PARTISË DEMOKRATIKE:
• Hetimi i korrupsionit të niveleve të larta.
HAPI I DYTË
• Hetimi dhe ndëshkimi i veprimtarisë kriminale të qeverisë për prokurimet dhe licensimet publike.
PRIORITETI I QEVERISË SË PARTISË DEMOKRATIKE:
• Hetimi i mashtrimeve me kontratat dhe fondet publike.
• Hetimi pa asnjë përjashtim i kontratave koncesionare. Çdo kontratë do të konsiderohet si vepër e mundshme kriminale.
• Hetimi i pasurive të çdokujt që është përfshirë në hartimin, miratimin dhe përfitimin e kontratave koncesionare, nga juristi i thjeshtë i tek kryeministri.
HETIMI YNË DO TË PËRQENDROHET TEK PARAJA.
• Do të ndjekë, gjurmojë dhe zbulojë origjinën e parave të përdorura.
• Do të zbulojë destinacionin e parave të marra nga buxheti.
HAPI I TRETË
• Rikuperimi i pasurive të vjedhura përmes kontratave dhe koncesioneve publike
Paratë që u janë vjedhur shqiptarëve dhe kanë përfunduar në llogari bankare apo janë investuar kudo nëpër botë do të zbulohen dhe do t’u kthehen shqiptarëve.
HAPI I KATËRT
• LUFTA KUNDËR PASTRIMIT TË PARAVE
1. Hartimi i ligjeve për luftën kundër krimit dhe pastrimit të parave.
PD do të bashkëpunojë me ekspertë te huaj dhe me agjensitë kryesore në botë për luftën kundër krimit ndërkombëtar, Europoli, agjencitë britanike, hollandeze, gjermane dhe amerikane.
2. Miratimi i ligjit për ndalimin e legalizimit në ekonomi të produkteve të krimit. Zbatimi i këtij ligji parandalon investimin në ekonomi të parave të krimit dhe korrupsionit
3. Miratimi dhe zbatimi i paketës ligjore për deklarimin dhe kontrollin e aseteve të politikanëve dhe punonjësve publikë.
FUNDI I PANDËSHKUESHMËRISË
SË KORRUPSIONIT DHE KRIMIT NË NIVELET E LARTA
ËSHTË I VETMI FILLIM I VËRTETË
I NDRYSHIMIT TË SHQIPËRISË.”, thuhet në video.
VAZHDO TË LEXOSH MË TEPËR PËR TEMËN
Projekti për Teatrin, Basha flet troç dhe paralajmëron
Basha: Problemi më i madh për ekonominë është Rama
