Shkatërrimi i pyjeve të shiut në Amazonë, për të cilin ne jemi dëshmitarë, do të ndikojë shumë përtej kufijve të Brazilit në dekadat e ardhshme.
Shtëpia e 3 milion specieve, një në 10 nga të gjitha bimët dhe kafshët e njohura në Tokë, Amazona është vendi më biodiversitar në planet. Tre të katërtat e specieve bimore atje janë unike. Amazon është gjithashtu shtëpi për një milion banorë indigjenë, mijëra prej të cilëve kanë humbur jetën në dekadat e fundit duke mbrojtur pyllin kundër interesave tregtare.
Pylli i shiut luan një rol kritik në rregullimin e klimës së Tokës, duke thithur miliona ton dioksid karboni në vit.
Pra, rreziku është shumë i madh. Për dekada të tëra, Amazona ka qenë vendi i një beteje midis, nga njëra anë, konservatorëve dhe njerëzve indigjenë, të cilët janë të dëshpëruar për të mbrojtur pyllin, dhe, nga ana tjetër, bizneseve të Brazilit, që e përdor pyllin për bujqësi, miniera dhe prerje.
Që nga zgjedhja e Jair Bolsonaro, i quajtur “Kapiteni me sharrë elektrike” për mbështetjen e tij për shpyllëzimin e Amazonës, ky proces është përshpejtuar shumë.
Shkencëtarët kishin menduar se moment kur ekosistemi Amazonian do të degradonte në masën që nuk mund të mbante më veten, ishte 20-25 vjet larg.
Si duhet të përgjigjet bashkësia ndërkombëtare? Situata është e komplikuar nga fakti se Bolsonaro nuk është i vetmi populist i djathtë që kërcënon veprimin global të nevojshëm për të shmangur mbinxehjen katastrofike të planetit.
Përpara samitit të G7 të kësaj fundjave, Franca dhe Irlanda, në të vërtetë të motivuar nga interesat e tyre tregtare, si dhe nga shqetësimi për Amazon, kërcënuan të bllokonin marrëveshjen tregtare BE-Mercosur që është rënë dakord, por që akoma nuk është ratifikuar. Bolsonaro ka vazhduar të dënojë ndërhyrjen ndërkombëtare në atë që e ka etiketuar një “çështje të brendshme”, duke akuzuar Macron për një “mentalitet kolonial”.
Kjo nuk është e mjaftueshme. Vendet e pasura në Evropë duhet të bëjnë shumë më tepër.
Muajt e ardhshëm do të tregojnë nëse liderët evropianë janë të përgatitur të ndërmarrin veprimin që është i nevojshëm për të mbështetur ata brazilianë që po luftojnë për të mbrojtur Amazonën dhe rolin unik që ato pyje luajnë në mbrojtjen e një planeti biodiversal, të qëndrueshëm për brezat e ardhshëm.
VAZHDO TË LEXOSH MË TEPËR PËR TEMËN
Amazona në flakë/ Fajtore qeveria, natyra apo vetë njerëzit?!
Pas presionit, ndërhyrje për zjarret në Amazonë
Pamje apokaliptike nga zjarri në Amazonë
