MENU
klinika

Ja çfarë propozon

Çështja Kosovë-Serbi, Kukan kritikon ashpër BE

29.08.2019 - 08:59

Ish-eurodeputeti Eduard Kukan ka folur rreth zhvillimeve të fundit të çështjes Kosovë-Serbi.

Eduard Kukan, njohës i mirë i Ballkanit dhe ish-ministër i Jashtëm i Sllovakisë, në një deklaratë për “Asociacionin për Politikë të Jashtme të Sllovakisë”, ka thënë se ish-përfaqësuesja e Lartë e Bashkimit Evropian, Federica Mogherini, nuk ka treguar udhëheqje të mjaftueshme në dialogun Kosovë-Serbi.

Sipas tij, tani edhe përfaqësuesi i Lartë i BE-së për politika të jashtme, Joseph Borrell, nuk do ta bëjë punën ashtu siç duhet.

Ai ka thënë se shpreson që BE-ja ta emërojë një përfaqësues special që do ta udhëheqë më mirë dialogun Kosovë-Serbi, por edhe politikën e jashtme të BE-së, transmeton lajmi.net.

Në momentin kur Kosova vendosi taksa ndaj Serbisë, Mogherini është dashur të udhëtojë atje dhe ‘të godasë tryezën’”, ka thënë ai. “E mbaj mend Borrel kur ishte kryetar i Parlamentit Evropian. Emërtimi i tij më befasoi, pasi spanjollët kanë politikanë shumë më dinamikë dhe më të rinj”, tha Kukan.

Sipas tij, emërimi i Borrellit në krye të diplomacisë evropiane e sidomos si i dërguar special për dialogun Kosovë-Serbi, është i favorshëm, transmeton më tutje lajmi.net.

Mirëpo Kukan thotë se, ideja e shkëmbimit të territoreve në mes të Kosovës dhe Serbisë e cila ishte aktualizuar vitin e kaluar, nuk ka qenë thjeshtë një strategji në fushatë.

“Çështja e njohjes së Kosovës me shkëmbimin e territoreve me Serbinë do të aktualizohet përsëri”, ka deklaruar Kukan, i cili shtoi se nëse ndodhë një gjë e tillë, kjo mund të destabilizojë Bosnjë dhe Hercegovinën.