Alergjitë ushqimore shpesh keqkuptohen.
“Kjo sëmundje është e zakonshme dhe ka një ndikim dramatik jo vetëm në jetën e njerëzve që kanë alergji, por në jetën e kujtdo që kujdeset për to“, thotë Pamela.
Ajo është mjeke e Njësisë së Kërkimit të Alergjisë Ushqimore të Laboratorit të Sëmundjeve Alergjike në Institutin Kombëtar të Alergjisë dhe Sëmundjeve Infektive. Ajo foli për ne në lidhje me alergjitë ushqimore dhe hulumtimet për të ndihmuar në kuptimin dhe parandalimin e tyre.
- Reaksione alergjike
Reagimet alergjike mund të jenë të frikshme nëse nuk keni pasur një të tillë më parë. Nëse keni një reaksion alergjik të butë, i cili mund të përfshijë skuqje, kruarje, teshtitje ose hundë, duhet të merrni një antihistaminë nëse është në dispozicion dhe të monitoroni për simptoma më të rënda, tha Dr. Pamela.
Nëse keni një reagim më të rëndë, duhet të kërkoni kujdes të menjëhershëm mjekësor.
Reagimet e rënda përfshijnë vështirësi në frymëmarrje ose presion të ulët të gjakut, të cilat mund të shkaktojnë konfuzion, zbehje, një puls të dobët ose mungesë të vetëdijes. Nëse reagimi është i rëndë ose nëse përfshin sisteme të shumta organesh — për shembull personi ka skuqje dhe kruajtje të lëkurës dhe gjithashtu po vjell.
Pasi të jetë trajtuar reaksioni fillestar, duhet të shkoni tek një alergolog që të testoheni për një alergji ushqimore dhe të diskutoni një kurs veprimi.
- Zhvillimi dhe diagnostikimi
Testet e gjakut dhe lëkurës mund të jenë të dobishme, por nuk janë të mjaftueshme për të përcaktuar një alergji ushqimore.
Meqenëse këto teste mund të rezultojnë në pozitive false, ” e rëndësishme është që ato të interpretohen brenda kontekstit të gjithë pamjes shëndetësore të pacientit”, tha Dr. Pamela.
Shumica e alergjive zhvillohen herët në jetë, dhe zhvillimi i alergjisë ushqimore arrin kulmin rreth moshës 1 vjeç.
Është e rrallë që një alergji të zhvillohet më vonë në jetë, megjithëse ekzistojnë përjashtime. Alergjitë më të zakonshme ushqimore tek të rriturit përfshijnë prodhimet e detit dhe arrat.
Ndërsa njerëzit e moshuar me një alergji ushqimore, kanë shanse më të mëdha për të zhvilluar sëmundje ose alergji të tjera.
“Realisht jemi duke bërë më shumë hulumtime për alergjinë ushqimore që të gjejmë mënyra më të mira për të diagnostikuar, parandaluar dhe trajtuar sëmundjen.”
- Studime të alergjisë ushqimore
Me kaq shumë pyetje pa përgjigje rreth alergjive ushqimore, është e rëndësishmeqë studiuesit të vazhdojnë t’i studiojnë ato.
Një studim për parandalimin e alergjisë së kikirikut u zhvillua kohët e fundit në Mbretërinë e Bashkuar. Kjo çoi në ndryshime në udhëzimet e alergjisë ushqimore. Studimi rreth alergjisë së kikirikut, shqyrtoi ekspozimin e hershëm ndaj kikirikëve tek foshnjat me rrezik të lartë për të zhvilluar një alergji ndaj kikirikut.
Studimi shikoi 640 foshnje nën moshën 1 vjeç të cilët kishin ose ekzemë, një alergji ndaj vezëve, ose të dyja. Këto kushte tregojnë se një fëmijë ka rrezik të lartë për të zhvilluar një alergji ndaj kikirikut.
Fëmijët u ndanë në dy grupe. Prindërve të grupit të parë të fëmijëve u tha që fëmija i tyre të shmangte ushqimet që përmbajnë kikirikë plotësisht deri në moshën 5 vjeç. Prindërve të grupit të dytë u është thënë që të futnin kikirikë në dietën e fëmijës së tyre menjëherë dhe fëmijët duhet të hanin ushqime që përmbajnë kikirikë të paktën tri herë në javë.
Në moshën 5 vjeç, fëmijët kishin një sfidë të ushqimit oral me kikirikë për të parë nëse kishin zhvilluar një alergji ndaj kikirikut.
“Rezultati i jashtëzakonshëm ishte që shkalla e alergjisë së kikirikut ishte pothuajse 80 përqind më e ulët në grupin që kishte ngrënë produkte që përmbajnë kikirikë në krahasim me grupin që i kishte shmangur ato,” tha Dr Pamela .
Është e rëndësishme që prindërit e fëmijëve me një rrezik të lartë për zhvillimin e një alergjie kikiriku të flasin me një mjek para se të futin kikirikë në dietën e një fëmije. Mjeku mund të ndihmojë në përcaktimin nëse fëmija duhet së pari të shohë një alergolog për një test alergjie ushqimore.
Studimi 10-vjeçar synon të kuptojë më mirë zhvillimin e një alergjie ushqimore dhe të shikojë ushqimin dhe rritjen e fëmijëve me alergji ushqimore.
Shumica e alergeneve kryesorë të ushqimit – siç janë qumështi, vezët, kikirikët, soja dhe gruri – janë të dendura me lëndë ushqyese. Shqetësimi është që fëmijët që duhet të shmangin ato ushqime për shkak të alergjive të tyre, do të jenë në rrezik të madh për të mos marrë ushqim të mjaftueshëm. Kështu që ne kemi dashur të pyesim nëse fëmijët me alergji ndaj ushqimit janë me të vërtetë të ndjeshëm ndaj mangësive ushqyese, tha Dr. Pamela.
Pjesëmarrësit e pranueshëm përfshijnë cilindo midis moshës 2 dhe 99 vjeç i cili ka një alergji ushqimore të konfirmuar nga testimi i një mjeku.
Hulumtuesit po kërkojnë gjithashtu persona të shëndetshëm (të cilët nuk kanë alergji ushqimore) për grupin e kontrollit.
