Godasin të “fortët” e plazheve, dhunohen pushuesit nga Kosova

Gjatë ditës së djeshme një sherr masive ka ndodhur në plazhin e Shëngjinit në Lezhë.

Mësohet se një grup djemsh janë zënë me disa pushues kosovarë për arsye të paqarta.

Në një video të shpërndarë në rrjetet sociale shihet që punonjësit e policisë kanë tentuar t’i ndajnë por pavarësisht përpjekjeve sherri nuk është mundur të shuhet edhe për disa minuta.

Më pas vihet re që një punonjës i policisë ka shoqëruar një prej djemve të përfshirë në konflikt.

Kjo nuk është hera e parë që pushuesit zihen mes tyre në plazh, madje disa ditë më parë në Jalë sherri degjeneroi në përdorimin e armës.