Kryesia e Lidhjes Demokratike të Kosovës sot do të mbajë mbledhje. Mbledhja do të kryesohet nga i pari i LDK-së, Isa Mustafa.
Në një njoftim për media nga zyra për informim e LDK-së, behet e ditur se ky takim do të fillojë në orën 13:30.
Kjo mbledhje do të kryesohet nga kryetari i partisë, Isa Mustafa, ndërsa do të mbahet në selinë qendrore të LDK-së.
LDK-ja të shtunën e 3 gushtit do të mbajë kuvendin zgjedhor, ku pritet të zgjedhet kryetari i partisë.
Deri më tani asnjë anëtar i LDK-së nuk e ka shpallur kandidaturën për të parin e partisë. Qëndrimi unanim i partisë ka qenë që të shtunën kur edhe do të mbahen zgjedhjet, të bëhen të ditura kandidaturat, apo të vazhdohet me aklamacion.
Lidhja Demokratike e Kosovës nisi zgjedhjet e brendshme me 20 mars të këtij viti.
Këto zgjedhje në disa prej degëve të partisë janë shoqëruar edhe me telashe e përleshje në mes të anëtarëve të vet partisë.
