Ministria e Financave dhe Ekonomisë i është përgjigjur ankesës së bërë nga kryetarja e Bashkisë Shkodër, Voltana Ademi.
Gjatë ditës së djeshme Ademi deklaroi se Dega e Thesarit i ka bllokuar pagesat e bashkisë për shërbimet dhe investimet.
Në reagimin e sotëm, ministria sqaron se; “ditën e djeshme janë ekzekutuar nga Dega e Thesarit, Shkodër, të gjitha pagesat dhe urdhërpagesat e depozituara nga Bashkia Shkodër brenda orarit zyrtar dhe sipas gjithë procedurave ligjore”.
Deklarata e ministrisë:
Lidhur me situatën e krijuar në Bashkinë Shkodër, ju bëjmë me dije, se strukturat e Ministrisë së Financave dhe Ekonomisë, i kanë ndjekur nga afër këto procedura në përputhje më legjislacionin në fuqi.
Përsa i përket kësaj situate, Ministria e Financave dhe Ekonomisë sqaron se: Ditën e djeshme janë ekzekutuar nga Dega e Thesarit, Shkodër, të gjitha pagesat dhe urdhërpagesat e depozituara nga Bashkia Shkodër brenda orarit zyrtar dhe sipas gjithë procedurave ligjore.
Për këtë Ministria e Financave dhe Ekonomisë, Drejtoria e Përgjithshme e Thesarit dhe Dega e Thesarit, Shkodër, ka gjithë dokumentacionin e nevojshëm përsa më sipër.
Kështu që bazuar mbi të gjitha këto arsyetime që paraqitëm më lart, Ministria e Financave dhe Ekonomisë ju bën me dije, se ky dikaster ESHTE NE FUNKSION TE ZBATIMIT TE LIGJIT për të gjithë qytetarët njësoj pa dallime.
VAZHDO TË LEXOSH MË TEPËR PËR TEMËN
“Fanatics” publikon videon kundër presidentit
2019 vjen me rritje pagash/ Luci rrëfen shifrat
