Kryeministri i vendit Edi Rama ka publikuar në “Facebook” disa fotografi, nga puna e punonjësve të pastrimit nëpër bashki të vendit.
Rama shkruan se që pas ardhjes në pushtet, PS nuk ka hequr askënd nga puna për arsye politike. Ai shprehet se në ish-bashkitë e djathta nuk është hequr askush vetëm ka të tjera bindje.
- Postimi i Edi Ramës:
Vau i Dejës, Përmet, Mat, Selenicë – Vijon papushim heqja e zhulit, plehrave e ferrave nga territoret, ku pas largimit të kryebashkiakëve revolucionarë, punonjësit e pastrimit nuk paguhen më si turistë politikë, për të mbushur radhët e protestave antishtet në Tiranë, po janë kthyer në punën e tyre në shërbim të komuniteteve.
E meqë ra fjala, deri tani askush s’është larguar nga puna në ish-bashkitë e djathta (përveç ca kokave të mëdha e të pagdhendura politike, që kanë ikur me dorëheqje) dhe do të largohet vetëm kush nuk do të dojë t’i futet punës; në 30 qershor Shqipëria nuk votoi për të majtën po për TE DREJTEN dhe unë do të bëj çmos që askujt të mos i mohohet padrejtësisht, e drejta për të treguar se e do dhe e bën si duhet, punën që ka.
