26 Gusht 2019, 81 vite prej vdekjes së Millosh Gjergj Nikollës, një prej heronjve të penës shqiptare të penës shqiptare.
Migjeni jetoi vitet e varfërisë dhe u desh të përcillej nga romantizmi në realizëm.
Një shkrimtar i tillë, ka gjetur vend të përkujtohet mes miliona të gjallëve.
Ish-zv.ministrja e Financave dhe profesoresha e njohur do të sillte dhe njëherë në vëmendje shkrimin e tij “Të lindet një njeri”, duke theksuar se edhe sot jemi kokëulur në paaftësinë tonë për ta gjetur ndërnesh një të tillë.
“Migjeni i madh kerkonte gati 81 vite me pare” “Te lindet nje njeri “.
Ne kete pervjetor te tij , jemi kokeulur ne paaftesine tone per ta gjetur ndernesh nje te tille!
Të lindet një njeri!
nga gjin’ i dheut tonë të rim me lot të vakët,
nga thalb’ i shpirtit tonë që shkrihet në dëshirë të flakët
për një gen të ri, –
Të lindet një njeri!
Pa hyll në ball – por që me fjalë të pushton,
që të rrëmben qetsin e ban gjaku të të vlojë
rrkajë, e ban synin ligshtin ta zhgjetojë,
që nëpër shekuj ndërgjegjen na tradhton.
Të dali një njeri!
Të mkambi një Kohë të Re!
Të krijojë një Epope!
Ndër lahuta tona të këndohet Jeta e Re…
– Të gjithë kombet po dehen n’epopea të veta,
flakë e zjarrmit të tyne na i përzhiti ftyrat
dhe nëpër to një nga një po shtohen rrudhat,
e nën kambë e mbi krye tinzë po na ikjeta.
(Liri! – Po, liri dhe gaforrja gëzon,
porgaforre asht…
Liri, ku plogsi ndërgjegje gjallon,
jo, liri nuk asht!,
Të lindet një njeri
i madh si madhni
dhe ndërgjegjet tona t’i ndezi në dashni
për një ide të re, ideal bujar,
për një agim të lum e të drejtë kombtar.
Migjeni”
