Në lidhje me dënimin e djeshëm të ish-ministrit Saimir Tahiri nga Gjykata e Krimeve të Rënda ka ardhur reagimi i fundit edhe nga Ambasada e SHBA-së.
Përmes një postimi në rrjetet sociale, ambasada e SHBA-së shkruan se vendimi i djeshëm kundër ish-ministrit demostron pavarësinë në rritje të gjyqësorit.
Reagimi i plotë:
Vendimi i djeshëm kundër ish Ministrit të Brendshëm Saimir Tahiri demonstron pavarësinë në rritje të gjyqësorit dhe fillimin e fundit të pandëshkueshmërisë për personat me lidhje të forta. Ndërkohë që dënimi i zotit Tahiri për akuzën e shpërdorimit të detyrës sinjalizon një hap të rëndësishëm përpara, dënimi është shkurajues, duke pasur parasysh se sa të rënda ishin akuzat. Ata që shpërdorojnë besimin publik dhe shkelin ligjin duhet të përballen me pasoja domethënëse. Shtetet e Bashkuara do të vazhdojnë të mbeten partnerë të Shqipërisë, në mbështetje të përparimit të mëtejshëm të reformës në drejtësi, transparencës dhe qeverisjes së mirë.
VAZHDO TË LEXOSH MË TEPËR PËR TEMËN
“Sytë nga Tirana”, çfarë shkruajnë mediat e huaja pas vendimit për Tahirin
