Komisioni i Ekonomisë rrëzoi kandidaturën e presidentit Ilir Meta për kreun e Kontrollit të Lartë të Shtetit, Petraq Milon.
Opozita e re votoi pro kandidaturës së Milos, por u hodh poshtë nga mazhoranca.
Meta vendosi t’i propozojë Kuvendit si kandidat për postin e kryetarit të KLSH, Petraq Milon pas rrëzimit edhe të dy kandidaturave të tjera, Vitore Tushës dhe Bahri Shaqirit nga mazhoranca.
- Kush është Petraq Milo?
Milo është një personalitet me një eksperiencë të jashtëzakonshme, brenda dhe jashtë vendit në fushën e financave, të auditit, të bankave dhe të ekonomisë në tërësi, gjithashtu me një kontribut të spikatur në drejtimin e institucioneve financiare, fiskale e bankare në Kosovë.
Milo ka qenë këshilltar i ish kryeministrit Sali Berisha për gati 8 vite.
Në njoftimin e shpërndarë nga Presidenca më 17 korrik thuhet se nuk gjendet një kandidat më i përshtatshëm për kreun e KLSH.
