04.09.2019 - 17:46
Lideri demokrat Lulzim Basha përmes një mesazhi, shkruar në anglisht tha se ka patur një bisedë shumë konstrukstive me të dërguarin e SHBA-se në Tiranë.
Ai tha se temë e diskutimit mes tyre ka qenë situata politike në vend, dhe duket se ai ka shprehur shqetësim për mosndëshkimin e zyrtarëve të korruptuar dhe kapjen e shtetit nga Edi Rama.
Statusi i plotë i Lulzim Bashës në Twitter:
Diskutim shumë i hapur dhe konstruktiv me David Kostelancik, Drejtorin e ri të Zyrës për Evropën Qendrore e Jugore në Departamentin e Shtetit. Me fokus: fund mosndëshkimit të politikanëve dhe rikthimit të sundimit të ligjit; fund kapjes së shtetit dhe korrupsionit si dhe forcimi i partneritetit strategjik të Shqipërisë me SH.B.A.
