Njerëzit që vuajnë nga periudha vertigo ose sic njihen ndryshe marramendje ,mund të vuajnë nga një lloj migrene për të cilin trajtimet rrallë funksionojnë.
Por një studim i ri paraprak i 18 pacientëve të tillë zbuloi se stimulimi i nervit vagus në qafë mund të ndihmojë në lehtësimin e vertigos.
“Migrena vestibulare mund të ndodhë me ose pa dhimbje koke. Është një ndjenjë e pakëndshme, një sens jonormal i lëvizjes. Shumë njerëz thonë se ndjehen sikur po rrotullohen”, shpjegoi Dr. Deena Kuruvilla, profesore ndihmëse e neurologjisë në Universitetin Yale.
Pacientët ndjehen sikur nuk mbajnë dot ekilibrin dhe mund të ndjejnë bezdi.
Është një gjendje e ndërlikuar për të diagnostikuar, shtoi ajo. “Nëntë nga 10, pacientët diagnostikohen keq”, kështu që njerëzit e kanë më mirë të shohin një neurolog ose një specialist për dhimbje koke, tha Kuruvilla.
Sidoqoftë, trajtimi i ri mund të ndihmojë në lehtësimin e gjendjes, thanë autorët e studimit të ri.
“Stimulimi nervor vageal jonvaziv që është aprovuar për migrenë dhe dhimbje koke klaster gjithashtu lehtëson vertigon në pacientët me migrenë vestibulare,” tha studiuesi kryesor Dr. Shin Beh. Ai është një asistent profesor i neurologjisë në Universitetin e Teksasit Qendra Mjekësore Jugperëndimore, në Dallas.
Stimulimi i nervit vagus duket se qetëson qendrat në tru që shkaktojnë migrenë dhe vertigo, shpjegoi ai.
Migrena vestibulare nuk është e shërueshme, tha Beh, “por kjo shton një trajtim tjetër të mundshëm”.
Stimulimi bëhet përmes një pajisjeje të vendosur pas qafës gjatë një sulmi vestibular të migrenës. Pajisja që jep impulse elektrike në nerv përdoret rregullisht për të trajtuar migrene tipike.
Në mesin e pjesëmarrësve të studimit, 14 pacientë u trajtuan gjatë një sulmi vestibular të migrenës, dhe katër pacientë u trajtuan për marramendje të vazhdueshme midis sulmeve.
Pas stimulimit nervor, 13 nga 14 pacientët patën një përmirësim në vertigon e tyre. Në këtë grup, dy u zhduk vertigoja dhe pesë pësuan një ulje 50% të simptomave, zbuluan studiuesit.
Përveç kësaj, pesë pacientët, sulmi i të cilëve kishte një dhimbje koke të shoqëruar, të gjithë raportuan më pak dhimbje pas trajtimit.
Se sa zgjat efekti i stimulimit nervor nuk dihet, tha Beh. Studimi nuk ishte krijuar për të parë nëse stimulimi nervor parandalon sulmet e ardhshme.
Është gjithashtu e mundur që efekti të mund të rritet nëse përdoret në kombinim me ilaçet e migrenës, sugjeroi ai.
Fatkeqësisht, asnjë prej pacientëve të trajtuar për marramendje të vazhdueshme midis sulmeve nuk pati ndonjë përmirësim.
Pakënaqësia e vetme nga trajtimi ishte një ndjesi e butë tërheqëse e muskujve të qafës, vunë re studiuesit.
Gjetjet u botuan në internet në 25 shtator në revistën Neurology.
Kuruvilla tha, “Unë nuk mendoj se studimi kishte njerëz të mjaftueshëm në të për të nxjerrë një përfundim kaq dramatik për të thënë se secila prej këtyre sulmeve të vertigos, këto sulme marramendjeje, do të kurohen plotësisht me këtë pajisje.”
Një pengesë tjetër është kostoja e pajisjes. “Kostoja mujore që kompania ka vendosur në pajisje e ka bërë atë me të vërtetë ndaluese për shumicën e njerëzve,” shtoi ajo.
Sipas Kuruvilla, tarifat mujore mund të shkojnë deri në 600 dollarë, dhe trajtimi nuk mbulohet nga sigurimi.
